МАСЪУЛИЯТ БАРОИ ҲИФЗИ ТАБИАТ АЗ ҲАР ЯКИ МО ОҒОЗ МЕШАВАД
Соли 1972 Созмони Милали Муттаҳид 5 июнро рӯзи ҷаҳонии Муҳити Зист эълон кард, то огоҳии ҷомеаро дар бораи мушкилоти экологӣ баланд бардорад. Аз он вақт инҷониб, он ба як чорабинии глобалӣ табдил ефтааст, ки ба талошҳо барои ҳалли мушкилоти экологии марбут ба Ҳадафҳои рушди устувор мусоидат мекунад.
Мо ҳама дар иҳотаи табиат зиндагӣ мекунем ва ҳар рӯз аз он вобастаем. Ҳавои тоза, боғҳои сабз, оби тоза ва ҷангалҳо на танҳо як ҷузъи муҳити мо, балки асоси саломатӣ ва некӯаҳволии мо мебошанд. Аз ин рӯ, ғамхорӣ дар бораи табиат бояд масъулияти ҳар як шахс бошад.
Бисер одамон боварӣ доранд, ки ҳифзи муҳити зист кори олимон, экологҳо е ташкилотҳои давлатӣ мебошад. Аммо, ҳифзи табиат вазифаи танҳо чанд мутахассис нест. Ин масъулияти тамоми ҷомеа дар маҷмӯъ аст.
Ғамхорӣ дар бораи муҳити зист аз оила оғоз мешавад ва на танҳо. Волидон аз хурдӣ ба фарзандони худ одатҳои оддӣ, вале муҳимро меомӯзонанд: партовҳоро ба берун напартоед, ҷойҳои ҷамъиятиро тоза нигоҳ доред. Ҳатто амалҳои хурд метавонанд вазъро ба куллӣ беҳтар кунанд. Тозагӣ ва эҳтиеткорӣ ба муҳити зист одамонро аз бемориҳо муҳофизат мекунад ва ҷомеаҳои солимтар эҷод мекунад. Ин амалҳо метавонанд ночиз ба назар расанд, аммо онҳо асоси мавқеи масъули шаҳрвандиро ташкил медиҳанд.
Ҳар як шахс бояд дарк кунад, ки амалҳои ӯ на танҳо ба худаш, балки ба ҳама атрофиен низ таъсир мерасонанд. Партофтани партовҳо дар ҷойҳои ҷамъиятӣ, ифлосшавии кӯчаҳо е нодида гирифтани мушкилоти экологӣ метавонад безарар ба назар расад, аммо вақте ки ин рафтор маъмул мешавад, он ҳам барои ҷомеа ва ҳам барои наслҳои оянда оқибатҳои нохуши ҷиддӣ ба бор меорад.
Аз ин рӯ, мо набояд бетараф бошем. Ҳифзи табиат на ҳамеша лоиҳаҳои азим е ҳалли гаронарзишро талаб мекунад. Ҳамааш аз қарорҳои хурди ҳаррӯза ва омодагӣ ба масъулиятшиносӣ оғоз меебад. Агар ҳар яки мо саҳми худро гузорем, мо метавонем шаҳрҳои тозатар, ҷомеаҳои солимтар ва ояндаи беҳтарро барои ҳамаи мо эҷод кунем.
Табиат хонаи муштараки мост. Ояндаи табиат аз интихоби имрӯзаи мо вобаста аст!
Мирзоева Г. З., ходими илмии шуъбаи таҳқиқоти масъалаҳои ҳуқуқии рушти устувор
МД “Институти илмию тадқиқоти рушти устувор ва иқтисоди сабз”- (ДББСТ)
