ШУЪБАИ КАДРҲО ВА ТАЪМИНОТИ ҲУҚУҚӢ
Шуъбаи кадрҳо ва таъминоти ҳуқуқӣ яке аз воҳидҳои марказӣ ва муҳимтарини сохтории Муассисаи давлатии «Институти илмӣ-тадқиқотии рушди устувор ва иқтисоди сабз» ба шумор меравад. Фаъолияти шуъба бар пояи Конститутсияи Ҷумҳурии Тоҷикистон, санадҳои меъёрии ҳуқуқии амалкунанда, Оинномаи муассиса, санадҳои дохилии танзимкунанда ва Низомномаи тасдиқшудаи худ ба роҳ монда шудааст.
Шуъба ҳамчун сутуни такягоҳии низоми кадрӣ ва ҳуқуқии институт нақши калидӣ мебозад ва дар тамоми марҳилаҳои идоракунии муассиса иштироки фаъолона ва муассир дорад. Маҳз тавассути фаъолияти самараноки шуъба, механизмҳои муосири идоракунии захираҳои инсонӣ, таъмини волоияти қонун, риояи интизоми меҳнатӣ ва татбиқи меъёрҳои ҳуқуқии соҳа ба таври пайваста таъмин мегарданд.
Илова бар ин, шуъба дар ташаккули муҳити касбӣ ва қонунмеҳвар, таҳкими фарҳанги ҳуқуқӣ миёни кормандон ва баланд бардоштани сатҳи масъулияти ташкилӣ нақши фаъол мебозад, ки он заминаи боэътимод барои рушди устувори институтро фароҳам месозад.
Ҳадаф ва вазифаҳои асосии шуъба:
Шуъба дар асоси Низомномаи тасдиқшуда фаъолият бурда, иҷрои маҷмӯи васеи вазифаҳои зерини ташкилӣ ва ҳуқуқиро ба уҳда дорад:
- расмиёти қабули кормандон ба кор, ҷойивазкунӣ ва аз кор озод кардани онҳо;
- ҷамъоварӣ, тартибдиҳӣ ва нигоҳдории ҳуҷҷатҳои шахсии кормандон;
- таҳия ва нигоҳдории парвандаҳои инфиродӣ;
- воридсозии маълумот ба сабтҳо ва нигоҳдории дафтарчаҳои меҳнатӣ;
- таҳия ва расмӣ гардондани фармоишҳо, пешниҳодҳо ва дигар санадҳо вобаста ба ҳайати кадрӣ;
- додани хулоса ва тавсияҳои ҳуқуқӣ доир ба масъалаҳои танзими меҳнат ва муносибатҳои ҳуқуқӣ дар муассиса;
- нигоҳдории бойгонии фармоишҳо ва ҳуҷҷатҳои муҳими кадрӣ.
