Саҳмгузории “Лагери экологӣ” дар кабудизоркунии Донишкада
Нимаи аввали рӯзи 24-уми апрели соли ҷорӣ иштирокчиёни “Лагери экологӣ” ба хотири саҳмгузорӣ дар сабзу хуррамгардонии саҳн ва атрофи бинои маъмурии МД “Донишкадаи байналмилалии Левакант”-и ДБССТ иқдоми наҷибонаеро рӯи кор оварда, ба василаи шинонидани дарахтони ҳамешасабз муҳити атрофро боз ҳам зебову дилфиреб гардониданд.
Ташаббуси мазкур барои фардои солиму сабзи ҷомеа замина гузошта, ҳисси масъулият ва муҳаббати ҷавононро нисбат ба табиат боз ҳам тақвият мебахшад. Аз ин лиҳоз роҳбарияти Донишкада барои баргузории чунин чорабиниҳо, ки дар мадди аввал барои ободии Тоҷикистони азиз бахшида шудааст, тамоми шароиту имконотро фароҳам оварда, ҳамзамон омодагии худро ҷиҳати ҳамкориҳои минбаъда изҳор менамояд.
